Broyta lógina um serstakar treytir fyri fiskiskapi eftir makreli, norðhavssild og svartkjafti og botnfiski í Barentshavinum í 2017

Uppskot til Løgtingslóg um broyting í løgtingslóg um serstakar treytir fyri fiskiskapi eftir makreli, norðhavssild og svartkjafti og botnfiski í Barentshavinum í 2017 (Strika kravið um, at keypt kvota skal veiðast í 2017 og at taka av avreiðingaravgjaldið)

Orsøkin til broytingaruppskotið er, at tað er ikki sannlíkt, at skipini fara at megna at fiska alla kvotuna av norðhavssild til matna í 2017, m.a. tí, at móttøkuorkan á landi er skerd í mun til undanfarin ár orsakað av, at Varðin Pelagic brendi í grund fyrr í ár. Talan er eisini um hægri kvotu enn undanfarin ár. Nakað er eisini eftir av føroysku makrelkvotuni í 2017. Lagt verður tí upp til at taka av avreiðingaravgjaldið í síni heild. Ætlanin er harafturat lata upp fyri, at egin árskvota fyri 2017 kann flytast til 2018 at verða fiskað.

16-00518-44 Eftirkannað uppskot til broyting í lóg um serstakar treytir ....pdf